Ce ne sont pas les bandes des gens
à cheual, ce ne sont pas les compaignies des gens de
pied, ce ne sont pas les armes qui defendent le tiran.
On ne le croira pas du premier coup, mais certes il
ligne 5 — est vray : ce sont tousiours quatre ou cinq qui maintiennent
le tiran, quatre ou cinq qui lui tiennent tout
le païs en seruage. Tousiours il a esté que cinq ou six
ont eu l’oreille du tiran, & s’y sont approché d’eus
mesmes, ou bien ont esté appeles par lui, pour estre
ligne 10 — les complices de ses cruautes, les compaignons de ses
plaisirs, les macquereaus de ses voluptes, & communs
aus biens de ses pilleries. Ces six addressent si bien
leur chef, qu’il faut, pour la societé, qu’il soit meschant,
non pas seulement de ses meschancetes, mais
ligne 15 — ancore des leurs. Ces six ont six cent qui proufitent
sous eus, & font de leurs six cent ce que les six font
au tiran. Ces six cent en tiennent sous eus six mille,
qu’ils ont esleué en estat, ausquels ils font donner ou
le gouuernement des prouinces, ou le maniement des
ligne 20 — deniers, afin qu’ils tiennent la main à leur auarice
& cruauté & qu’ils l’executent quand il sera temps, &
facent tant de maus d’allieurs qu’ils ne puissent durer
que soubs leur ombre, ni s’exempter que par leur
moien des loix & de la peine. Grande est la suitte qui
ligne 25 — vient apres cela, & qui voudra s’amuser à deuider ce
filet, il verra que, non pas les six mille, mais les cent
mille, mais les millions, par ceste corde, se tiennent
au tiran, s’aidant d’icelle comme, en Homere, Iuppiter
qui se vante, s’il tire la chesne, d’emmener vers soi
ligne 30 — tous les dieus.